U Žytkavickim rajonie hość nie zachacieŭ sychodzić dadomu paśla viečarynki — i atrymaŭ siakieraj pa hałavie
Haspadynia doma była kateharyčna suprać taho, kab mužčyna ŭ jaje načavaŭ.
08.10.2024 / 13:11
Žycharka Žytkavickaha rajona zładziła doma viečarynku z dačkoj i jaje znajomymi, a skončyłasia ŭsio kryminalnaj spravaj.
Hości zasiadzielisia dapazna, pryjšoŭ čas razychodzicca. Adnak 36-hadovy mužčyna staŭ nastojliva prasicca pieranačavać. 50-hadovaja haspadynia doma była kateharyčna suprać i sprabavała vypravadzić znajomaha.
Pjanaja razmova vyliłasia ŭ svarku, padčas jakoj žančyna ŭziała siakieru i ŭdaryła hościa pa hałavie.
Skryvaŭlenaha mužčynu zabrała chutkaja, a haspadynia doma trapiła ŭ milicyju. Zaviedziena kryminalnaja sprava za naŭmysnaje pryčynieńnie ciažkaha cialesnaha paškodžańnia.