SBU zatrymała ŭ Małdovie adnaho ź ideołahaŭ uvarvańnia Rasii va Ukrainu
Słužba biaśpieki Ukrainy sumiesna z zamiežnymi partniorami i Dziaržpamiežsłužbaj zatrymała ŭ Małdovie kramloŭskaha ideołaha ŭzbrojenaj ahresii RF Dźmitryja Čyścilina, jamu pahražaje pažyćciovaje źniavoleńnie, paviedamlaje «Ukrainskaja praŭda».
08.10.2024 / 15:48
Pavodle źviestak SBU, Čyścilin jość pamočnikam eks-daradcy Uładzimira Pucina Siarhieja Hłaźjeva — adnaho z hałoŭnych arhanizataraŭ zachopu Kryma, Danieckaj i Łuhanskaj abłaściej, a taksama aŭtara «stratehii infarmacyjnaj vajny», jakaja apraŭdvała poŭnamaštabnaje ŭvarvańnie Rasii va Ukrainu.
Z 2016 da 2024 hoda Čyścilin padrychtavaŭ dla Kramla niekalki «analityčnych materyjałaŭ», u jakich padtrymlivaŭ uzbrojenuju ahresiju RF i prasoŭvaŭ «intehracyju» časova akupavanych terytoryj Ukrainy ŭ skład Rasii.
Čyścilin pisaŭ šmatlikija publikacyi, nakiravanyja na infarmacyjnyja ataki suprać Ukrainy.
Taksama jon prasoŭvaŭ intaresy Kramla za miežami RF. U pryvatnaści, udzielničaŭ u arhanizacyi ŭmiašańniaŭ u vybarčyja pracesy ŭ krainach Uschodniaj i Centralnaj Jeŭropy na karyść Maskvy.