Bort Łukašenki z-za techničnych prablem viarnuŭsia ŭ Minsk bieź jaho
Pavodle infarmacyi telehram-kanała «MotolkoPomohi», učora samalot Łukašenki viarnuŭsia z Maskvy ŭ Minsk praz techničnyja prablemy, jakija ŭźnikli ŭ palocie.
08.10.2024 / 16:45
Śćviardžajecca, što ŭ 10:48 7 kastryčnika samy bujny samalot z avijaparku Łukašenki — Boeing 767-300 (EW-001PB) pryziamliŭsia ŭ Maskvie, dzie vysadziŭ jaho samoha razam z delehacyjaj, a paśla taho pustym viarnuŭsia nazad u Minsk užo ŭ 14:00.
Siońnia ž hety bort na praciahu hadziny vykonvaŭ techničny ablot u rajonie Nacyjanalnaha aeraporta «Minsk», što, u svaju čarhu, źjaŭlajecca ŭskosnaj prykmietaj pravierki lotnych sistem, jakija raniej byli zamienienyja abo adramantavanyja ŭ samalota na ziamli.
«MotolkoPomohi» ličyć, što hetaja situacyja nietypovaja adrazu pa dźviuch pryčynach:
- Łukašenka zastaŭsia za miežami Biełarusi biez transpartu dla evakuacyi, čaho nie było raniej.
- Prablemy z zapčastkami narešcie dajšli i da ŭradavych bartoŭ.
9 žniŭnia 2024 hoda mienavita hety Boeing 767-300 (EW-001PB) byŭ uniesieny ŭ sankcyjnyja śpisy ZŠA. Z taho momantu pad amierykanskimi sankcyjami znachodzicca ŭvieś avijapark, jaki vykarystoŭvaje Łukašenka.
Łukašenka pryznaŭ, što dla prymianieńnia jadziernaj zbroi pryjdziecca pravodzić pieramovy z Pucinym
U Łukašenki była mocnaja zadyška, kali jon adkazvaŭ na pytańnie rasijskaha žurnalista
Łukašenka padpisaŭ ukaz, jaki dazvalaje źbivać drony lubym siłavikam