Стала вядома, як павялічыцца падатак на нерухомасць для фізічных асоб
Міністэрства па падатках і зборах Беларусі дало свае тлумачэнні адносна магчымага павышэння падатку на нерухомасць у 2025 годзе ў дачыненні да жылых дамоў і кватэр.
09.10.2024 / 17:02
Як адзначылі ў МПЗ, плануецца павялічыць разліковы кошт квадратнага метра, на аснове якога і разлічваюць падатак на нерухомасць. У ведамстве адзначылі, што павышэнне адбудзецца «на прагнозны ўзровень інфляцыі».
Што тычыцца канкрэтных лічбаў, то ў міністэрстве растлумачылі, што, напрыклад, для сталічнай кватэры плошчай 60 квадратных метраў памер падатку вырасце не больш чым на 4 рублі.
3 кастрычніка дэпутаты Палаты прадстаўнікоў прынялі ў першым чытанні законапраект аб змяненні законаў па пытаннях падаткаабкладання, які прадугледжвае павышэнне памеру акцызаў, а таксама карэкціроўкі ў частцы разліку падаходнага падатку, падатку на даходы замежных арганізацый, падатку на прыбытак і г. д.
Крыху зменіцца парог сумы падарункаў, з якіх не трэба плаціць падатак
У Беларусі з 1 студзеня вырасце падатак на першую кватэру
У Беларусі збіраюцца павысіць транспартны падатак