U Biełarusi ŭviaduć akcyz na enierhietyki
Akcyz na biezałkaholnyja enierhietyčnyja napoi ŭ Biełarusi ŭviaduć u 2026 hodzie. Pra heta raskazaŭ ministr finansaŭ Juryj Sielivierstaŭ na pašyranym pasiadžeńni kamisii Pałaty pradstaŭnikoŭ, piša rasijskaje vydańnie Sputnik.
09.10.2024 / 20:00
Fota ilustracyjnaje
Ministr zajaviŭ, što «akcyzy papaŭniajucca novym abjektam — biezałkaholnymi enierhietyčnymi napojami». Dla ich buduć prymianiać staŭku ŭ pamiery 50 kapiejek na 1 litr hatovaj pradukcyi.
Pa słovach Juryja Sielivierstava, prapanova vypracavanaja pa vynikach daručeńnia Łukašenki. Pieršapačatkova havorka išła pra akcyz na hazavanyja napoi, jakija ŭtrymlivajuć cukar. Ale kali prapracavali hetaje pytańnie, to zaŭvažyli šerah momantaŭ, «źviazanych z peŭnymi składanaściami jak u administravańni, tak i ŭ roście cenaŭ».
U vyniku vyrašyli abkłaści akcyzam nie ŭsiu haziroŭku, a tolki biezałkaholnyja enierhietyčnyja napoi. Akcyz uviaduć z 2026 hoda, kab u biznesu byŭ čas padrychtavacca.
«Nibyta kusaješ niešta skuranoje». U Biełarusi vypuścili maroziva sa smakam enierhietyka
Jakija stravy i napoi najhoršyja dla vašych zuboŭ? Raskazvajuć daktary