Piśmieńnica Lili Ebiert, jakaja vyžyła ŭ Aśviencimie, pamierła va ŭzroście 100 hadoŭ
Lili Ebiert stała adnoj z zasnavalnic Centra vyžyłych achviar Chałakostu ŭ Vialikabrytanii.
10.10.2024 / 07:53
Fota: Wikimedia Commons
Piśmieńnica Lili Ebiert, jakaja pieražyła Chałakost, pamierła na 101-m hodzie žyćcia ŭ Vialikabrytanii, paviedamlaje hazieta Daily Mail.
Adznačajecca, što Lili Ebiert stała adnoj z zasnavalnic Centra vyžyłych achviar Chałakostu ŭ Vialikabrytanii. U pryvatnaści, jana vypuściła knihu «Abiacańnie Lili: jak ja vyžyła ŭ Aśviencimie i znajšła ŭ sabie siły žyć dalej». Razam sa svaim unukam Ebiert viała akaŭnt u tyktoku, na jaki było padpisana dva miljony karystalnikaŭ.
Lili Ebiert naradziłasia ŭ Vienhryi 23 śniežnia 1923 hoda. Jana była starejšaj dačkoj u jaŭrejskaj siamji, dzie było jašče piaciora dziaciej. U sakaviku 1944 hoda ŭ Vienhryju ŭvarvalisia nacysty. Dvaccacihadovuju Lili razam z maci, małodšym bratam i tryma siostrami departavali ŭ łahier śmierci «Aśviencim-Birkienaŭ».
Uciačy ad hazavaj kamiery zmahli tolki jana i dźvie siastry, pakolki nacysty paličyli ich prydatnymi dla pracy ŭ łahiery, jaki byŭ vyzvaleny sajuznymi vojskami ŭ 1945 hodzie. Z 1967 hoda Lili Ebiert žyła ŭ Łondanie. Jana viadomaja svaimi miemuarami, videarolikami ŭ sacsietkach i vystupami ŭ ŚMI pra pieražytaje ŭ Aśviencimie.