Kolkaść zahinułych u vyniku ŭdaru pa Adesie ŭzrasła da siami
U balnicy pamior jašče adzin čałaviek, paciarpieły padčas udaru pa porcie ŭ Adeskaj vobłaści, jaki byŭ naniesieny ŭviečary ŭ sieradu, paviedamiŭ kiraŭnik Adeskaj abłasnoj administracyi Aleh Kipier. Takim čynam, ahulnaja kolkaść zahinułych u vyniku abstrełu dasiahnuła siami, piša Bi-bi-si.
10.10.2024 / 11:16
Pa słovach Kipiera, apošniamu zahinułamu było 46 hadoŭ, i jon byŭ supracoŭnikam porta.
Ukrainskija ŭłady paviedamili, što rasijskaja armija naniesła rakietny ŭdar pa Adeskaj vobłaści, mišeńniu jakoha była partovaja infrastruktura. Pavodle ŭkrainskaha vice-premjera Alaksieja Kuleby, padčas ataki było paškodžana hramadzianskaje sudna pad ściaham Panamy — kantejnieravoz «Shui Spirit».
Kuleba skazaŭ, što heta ŭžo treciaje zamiežnaje sudna, jakoje padvierhłasia atacy rasijskich vojskaŭ za apošnija čatyry dni.
Usie paciarpiełyja — hramadzianie Ukrainy.