Kantrabandysckaje nou-chau: biełaruskija cyharety ŭmantavali ŭ modulnyja budynki
U Litvie zatrymali vialikuju partyju kantrabandnych cyharet ź Biełarusi, schavanych unutry modulnych budynkaŭ. Litoŭskaja mytnia vyjaviła 100 tysiač pačkaŭ cyharet u śpiecyjalna zroblenych schovankach u ścienach, stoli i padłozie budynkaŭ, jakija pieravozili ź Biełarusi ŭ Łatviju tranzitam.
10.10.2024 / 16:24
Fota: lrmuitine.lt
Cyharety byli ŭmantavanyja padčas zborki karkasaŭ budynkaŭ i schavanyja pad izalacyjnym materyjałam, kab ich było niemahčyma vyjavić z dapamohaj renthienu.
Ahułam było znojdziena 99 760 pačkaŭ, košt jakich, uklučajučy padatki, pieravyšaje 447 tysiač jeŭra. Častki razabranych budynkaŭ ciapier zachoŭvajucca na litoŭskaj mytni, i sud vyrašyć ich dalejšy los — prodaž abo źniščeńnie.
Kantrabandu vyjavili 15 vieraśnia na punkcie propusku ŭ Salečnikach, ź biełaruskaha boku heta punkt Bieniakoni.
U centry Vilni ŭčora ŭpaŭ mieteazond z kantrabandaj
Litva budzie zmahacca z kantrabandaj ź Biełarusi pry dapamozie dronaŭ
U Litvie na palihonie znajšli mieteazond z pryčeplenaj čornaj skryniaj
Litva nie źviazvaje zapusk mietearałahičnych zondaŭ ź Biełarusi sa špijanažam
Pavietrany šar ź biełaruskaj kantrabandaj pryziamliŭsia na terytoryi vilenskaha aeraporta