Uviali licenzii na ekspart kapusty, jabłykaŭ i cybuli
U Biełarusi na try miesiacy ŭviali licenzavańnie vyvazu biełakačannaj kapusty, jabłykaŭ i repčataj cybuli, paviedamlaje pres-słužba Savieta ministraŭ. Adpaviednuju pastanovu padpisaŭ kiraŭnik urada Raman Hałoŭčanka.
10.10.2024 / 21:45
Ciapier vyvaz hetaj pradukcyi niezaležna ad krainy pachodžańnia za miežy Biełarusi budzie rabicca pa razavych licenzijach. Ich vydačaj zojmiecca Ministerstva antymanapolnaha rehulavańni i handlu pa ŭzhadnieńni z abłvykankamami i Minskim harvykankamam.
Adznačajecca, što hetaje rašeńnie pryniata ŭ metach zabieśpiačeńnia ŭnutranaha rynku sielskahaspadarčaj pradukcyjaj u mižsiezonny pieryjad u poŭnym abjomie.
Raniej u Biełarusi licenzavańnie ekspartu cybuli i jabłykaŭ dziejničała da kanca sakavika 2024 hoda, a biełakačannaj kapusty — da maja 2022 hoda.
Aharodnik pad Minskam vyraściŭ harbuz vahoj ažno ŭ 315 kiłahramaŭ. Ale da rekorda nie daciahnuŭsia
Pobač ź Minskam adkryŭsia novy rynak. Ci jechać tudy zamiest Kamaroŭki i Tabaraŭ?