Rasija ŭdaryła rakietami pa Adeskaj vobłaści. Pad zavałami doma zahinuli ludzi
Rasija ŭnačy puściła pa Adeskaj vobłaści balistyčnyja rakiety. U vyniku ŭdaru byŭ razburany dvuchpaviarchovy dom. Zahinuli čatyry čałavieki, adnoj z achviar było 16 hadoŭ.
11.10.2024 / 10:53
Pra heta paviedamiŭ staršynia Adeskaj abłasnoj vajskovaj administracyi Aleh Kipier. Jon adznačyŭ, što ŭ razburanym domie žyli i pracavali cyvilnyja. Pad zavałami apynulisia ludzi.
Čatyry čałavieki zahinuli. Troje — siarod ich 43-hadovaja žančyna, 22-hadovy chłopiec i 16-hadovaja dziaŭčyna — pamierli pad abłomkami doma. Jašče adna žančyna ad atrymanych traŭmaŭ skanała ŭ balnicy.
Taksama 10 čałaviek atrymali ranieńni i traŭmy, dzieviać paciarpiełych špitalizavanyja. Čatyry čałavieki ŭ ciažkim stanie.
U Ofisie hienprakurora dadali, što rasijskija vojski ŭdaryli pa hramadzianskaj infrastruktury Adeskaha rajona, mierkavana, balistyčnaj rakietaj «Iskander-M» 10 kastryčnika kala 22:35.