Dvuchhadovaje dzicia vyliła na siabie kubak kavy i trapiła ŭ reanimacyju
Incydent adbyŭsia siońnia ranicaj, paviedamlaje MNS.
11.10.2024 / 11:23
Chłopčyka, jaki naradziŭsia ŭ 2022 hodzie, špitalizavali ŭ reanimacyju babrujskaj balnicy. Mahiloŭskaje abłasnoje ŭpraŭleńnie MNS paviedamlaje, što ŭ paciarpiełaha apioki 20% cieła.
U vobłaści heta ŭžo druhi padobny vypadak za tydzień. 8 kastryčnika ŭ Hłusku adnahadovaja dziaŭčynka vypadkova začapiła baćkoŭskuju kružku z haračym napojem, u vyniku čaho atrymała apioki 18% cieła.