Siłaviki zatrymali maci dvaich dziaciej ź Minska
Siłaviki zatrymali maci dvaich dziaciej ź Minska i byłuju ŭdzielnicu arhanizacyi «Moładź BNF». Videa ź jaje ŭdziełam apublikavaŭ praŭładny kanał.
11.10.2024 / 13:28
Na videa zatrymanaja minčanka raspaviadaje, što ŭ 2007 hodzie cikaviłasia biełaruskaj movaj i kulturaj, była ŭdzielnicaj «Moładzi BNF», ale paźniej pakinuła arhanizacyju.
Jana taksama zhadvaje, što ŭ 2020 hodzie ŭdzielničała ŭ pratestach, zaklikała ŭ čatach pierakryvać darohi i abražała siłavikoŭ.
Na videa pakazany skrynšot pierapiski, dzie minčanka piša, što źjaŭlałasia «staršynioj Frunzienskaha rajona Moładzi BNF», i što jašče 11 hadoŭ tamu na jaje była zaviedziena sprava. Jana taksama zhadvaje, što maje dvaich dziaciej.
Pakul nieviadoma, pa jakich artykułach zatrymana minčanka i ŭ jakim stanoviščy jana ciapier znachodzicca.