У ЗША выратавалі мужчыну, які дрэйфаваў на халадзільніку ў моры на працягу амаль сутак
Пацярпелы — капітан рыбалоўнага судна. У ноч на 10 кастрычніка, калі ўраган «Мілтан» дасягнуў узбярэжжа ЗША, ён праводзіў рамонтныя работы на караблі. Неўзабаве пасля пачатку шторму сувязь з мужчынам страцілі.
11.10.2024 / 16:02
Ратавальнікі знайшлі капітана за 48 кіламетраў ад узбярэжжа амаль праз суткі — увечары чацвярга. Ён быў у выратавальнай камізэльцы і трымаўся за халадзільнік. Мужчыну шпіталізавалі.
Гэты чалавек перажыў сапраўдны кашмар нават для самых дасведчаных маракоў. Мяркуецца, што вецер падчас стыхіі дасягаў 33-40 метраў у секунду.
Пенсіянер з Маладзечна зрабіў лодку з пенаплексу — і патануў
У Петрыкаўскім раёне пенсіянер адправіўся рыбачыць на лодцы і заблукаў
Новая Зеландыя ўпершыню з Другой сусветнай вайны страціла карабель у моры