Biełarusy paprasili całkam admianić papiarovyja školnyja dziońniki. Minadukacyi suprać
Na partale «Zručny horad» źjaviłasia pietycyja: baćki vučniaŭ prosiać całkam admianić papiarovyja školnyja dziońniki. Biełarusy, jakija padpisali pietycyju, ličać papiarovy dziońnik sastarełaj praktykaj.
11.10.2024 / 16:44
Aktyvisty prosiać uvieści abaviazkovaje vykarystańnie va ŭsich navučalnych ustanovach krainy elektronnych dziońnikaŭ.
«Na siońniašni dzień papiarovyja dziońniki ŭjaŭlajuć saboj sastareły instrumient, jaki nie tolki niazručny, ale i stvaraje dadatkovyja ciažkaści dla ŭsich udzielnikaŭ adukacyjnaha pracesu», — havorycca ŭ pietycyi.
Ministerstva adukacyi dało na heta adkaz za podpisam namieśnika ministra Alaksandra Kadłubaja, piša Blizko.by.
U dakumiencie skazana, što narmatyŭnymi pravavymi aktami Minadukacyi tolki dapuskajecca vykarystańnie elektronnaha dziońnika, a najaŭnaść papiarovaha źjaŭlajecca abaviazkovym.
Taksama paviedamlajecca, što ciapier idzie raspracoŭka «Elektronnaj škoły», jakaja ŭklučyć u siabie i servis elektronnych dziońnikaŭ. I adno tolki paśla hetaha pa ŭzhadnieńni škoły i baćkoŭ źjavicca mahčymaść vykarystańnia tolki elektronnych abo tolki papiarovych dziońnikaŭ.
U škole pad Minskam pracuje nastaŭnik — dvajnik Džoni Depa
U Rahačovie za łajki zvolnili i sudziać dyrektara škoły
Pačałasia rehistracyja na repietycyjnaje teściravańnie. Kolki heta kaštuje?