U Minsku 10-hadovy chłopčyk vypaŭ ź dziasiataha paviercha
Dziesiacihadovy chłopčyk raźbiŭsia, vypaŭšy z akna dziasiataha paviercha ŭ Minsku. Dzicia znachodziłasia doma adno i čakała mamu z pracy. Ubačyŭšy jaje kala doma, chłopčyk adkryŭ akno ŭ svaim pakoi, kab pamachać joj, ale nie ŭtrymaŭsia i ŭpaŭ uniz,paviedamlaje HUUS Minharvykankama.
11.10.2024 / 18:08
Fota: UUS MInharvykankama
Na miesca zdareńnia pryjechała chutkaja dapamoha. Chłopčyka špitalizavali, ale jon pamior u balnicy.
«Chłopčyk vychoŭvaŭsia ŭ poŭnaj ščaślivaj siamji, jakaja pa miescy žycharstva charaktaryzujecca tolki sa stanoŭčaha boku. Dzicia było adkrytaje, aptymistyčnaje, aktyŭna ŭdzielničała ŭ žyćci škoły, naviedvała zaniatki pa viesłavańni», — raskazaŭ načalnik Inśpiekcyi pa spravach niepaŭnaletnich Frunzienskaha RUUS Minska Andrej Mienc.
Žychar Baranavičaŭ vypaŭ ź piacipaviarchovika ŭ Asipovičach
U Śvietłahorsku adnahadovy chłopčyk vypaŭ z akna dziaviataha paviercha i zastaŭsia žyvym
Dvuchhadovy chłopčyk vypaŭ z čaćviortaha paviercha ŭ Minsku
U Vaŭkavyskim rajonie šaścihadovy chłopčyk vypaŭ z akna na bietonny spusk u padvał