U Jeŭraparłamiencie Viktara Orbana praviali z trybuny pieśniaj Bella Ciao
Levyja deputaty Jeŭraparłamienta vykanali italjanskuju pieśniu, himn antyfašysckaha supracivu Bella Ciao paśla vystupleńnia premjer-ministra Vienhryi Viktara Orbana, piša The Guardian.
11.10.2024 / 18:19
Viktar Orban. Fota: Denes Erdos / AP
«Heta nie Jeŭrabačańnie», — kazała śpikierka Jeŭrapiejskaha parłamienta Rabierta Mietsoła, sprabujučy spynić chor deputataŭ.
U chodzie dyskusii niazhodnyja z palitykaj Orbana parłamientaryi abvinavacili jaho ŭ blizkaści da Uładzimira Pucina, a taksama asudzili parušeńni asnoŭnych pravoŭ i svabod u Vienhryi i vysoki ŭzrovień karupcyi.
Pieśniu, jakoj pravodzili Orbana, u Italii śpiavajuć kožny hod 25 krasavika ŭ honar zakančeńnia fašysckaj dyktatury Bienita Musalini i nacysckaj akupacyi. Ale apošnim časam jana taksama hučała na antyŭradavych pratestach u Iranie, barykadach va Ukrainie, jaje taksama śpiavali zmahary za pravy žančyn u Polščy, a taksama, jak adznačaje The Guardian, niezakonna tranślavali ź minaretaŭ miačeciaŭ u Turcyi.
«Trajanski koń» Pucina. Chto taki Viktar Orban i čyj bok jon sapraŭdy zajmaje?
Vienhryju prapanavali na čas vyklučyć z Šenhienskaj zony z-za vydačy viz biełarusam
Śviatłana Cichanoŭskaja sustrełasia ź Viktaram Orbanam
Jeŭrapiejski parłamient asudziŭ «nibyta mirnyja namahańni» Viktara Orbana
Orban zaklikaŭ ES adnavić adnosiny z Rasijaj
Zialenski patłumačyŭ, čamu Orban nie moža być mirnym pasiarednikam