Biełarus zakinuŭ biełarusu šajbu ŭ Kanadzie VIDEA
Takoje adbyłosia ŭpieršyniu.
12.10.2024 / 08:23
U pieršy dzień novaha siezona Amierykanskaj chakiejnaj lihi (druhaja pa značnaści liha ŭ Paŭnočnaj Amierycy paśla NCHŁ) abaronca «Kałhary Renhlers» Illa Sałaŭjoŭ zasmuciŭ bramnika «Abatsford Kenaks» Mikitu Tałapiłu.
Ale ŭ vyniku farm-kłub «Vankuviera» atrymaŭ pieramohu — 4:3. Pieramahčy «kasatkam» dapamoh nie tolki Tałapiła, jaki zrabiŭ 20 sejvaŭ, ale i Daniła Klimovič, jaki zakinuŭ 3-ju šajbu svajoj kamandy i skončyŭ matč z pakazčykam karysnaści «+2», piša Bysport.
Illa Sałaŭjoŭ naležyć struktury kłuba Nacyjanalnaj chakiejnaj lihi «Kałhary Fłejmz». U minułym hodzie jon pravioŭ za «Fłejmz» niekalki matčaŭ, ale pierad pačatkam hetaha siezona byŭ adpraŭleny ŭ farm-kłub.
Mikita Tałapiła naležyć da struktury kłuba NCHŁ «Vankuvier Kenaks» i moža stać pieršym biełaruskim hałkipieram, jaki debiutuje ŭ NCHŁ, kali budzie vyklikany z «Abatsforda» ŭ «Vankuvier» (tam u struktury ŭsiaho dva varatary).
Pakul ža siezon u NCHŁ pačnuć try biełarusy: Jahor Šaranhovič («Kałhary Fłejmz»), ale ŭ jaho zaraz traŭma, Alaksiej Protas («Vašynhton Kepitałz») i Uładzisłaŭ Kalačonak («Juta»).
Syna hałoŭnaha treniera chakiejnaha «Dynama» adpravili na Akreścina
Jahor Šaranhovič atrymaŭ traŭmu pierad startam siezona ŭ NCHŁ
52-hadovy Jaramir Jahr pačaŭ siezon z halavoj pieradačy