Va Urocłavie projdzie Fiestyval niezaležnaj biełaruskaj kultury
Fiestyval niezaležnaj biełaruskaj kultury adbudziecca va Urocłavie 16-20 kastryčnika 2024 hoda. Impreza projdzie ŭžo 12-y raz.
12.10.2024 / 16:26
U prahramie fiestyvalu 2024 hoda — 19 raznastajnych mierapryjemstvaŭ, ad śpiektaklaŭ i dyskusij da knižnaha kirmaša i kancertaŭ.
U pieršy dzień fiestyvalu, 16 kastryčnika, projdzie ekskursija pa vystavie u Muziei Pana Tadevuša i pakažuć śpiektakl «Nievierahodnaje słavianstva».
U druhi dzień, 17 kastryčnika, adbudziecca adkrytaja dyskusija «Pieraadolvańnie stereatypaŭ. Biełarusy, palaki i litoŭcy» i pakažuć śpiektakl «@.KLAĆCIE».
18 kastryčnika płanujecca pakaz filma «Vypadkovy prezident» i dyskusija.
19 kastryčnika adkryjecca vystava hrafiki Julii Hrycuk «Nie źnikaj». A taksama budzie pracavać tvorčaja prastora dla dziaciej «Stvarajem razam».
U apošni dzień fiestyvalu, 20 kastryčnika, adbudziecca litaraturnaja sustreča «Što dalej u litaratury?» z udziełam Śviatłany Kurs / Jevy Viežnaviec, Uładzimira Niaklajeva i Nasty Kudasavaj, adkryjecca fotavystava «Postać».
Bolš poŭnuju prahramu fiestyvalu možna pabačyć tut.
Prahrama fiestyvalu Pradmova ŭ Bierlinie
Što ź biełaruskaha kino pakažuć na fiestyvali «Paŭnočnaje źziańnie»? Vialiki śpis
Maštabny fiestyval ahniu ŭpieršyniu projdzie ŭ Bataničnym sadzie Minska