Indyja stała druhim pa vieličyni paśla Kitaja pastaŭščykom krytyčna važnych technałohij u Rasiju
Praź Indyju ŭ Rasii zavoziać mikraschiemy i stanki.
13.10.2024 / 09:27
Sustreča Uładzimira Pucina i premjer-ministra Indyi Narendry Modzi. Fota: Sergei Bobylev, Sputnik, Kremlin Pool Photo via AP
Pavodle źviestak jeŭrapiejskich i amierykanskich čynoŭnikaŭ, Indyja stała druhim pa vieličyni paśla Kitaja pastaŭščykom technałohij dvajnoha pryznačeńnia ŭ Rasiju, piša Bloomberg.
Ekspart takich padsankcyjnych tavaraŭ, jak mikraschiemy i stanki, ź Indyi ŭ Rasiju ŭ krasaviku-mai 2024 hoda pieravysiŭ 60 miljonaŭ dalaraŭ. Heta prykładna ŭdvaja bolš, čym u papiarednija miesiacy hetaha hoda.
U lipieni ekspart vyras da 95 miljonaŭ dalaraŭ. Bolš pastaŭlaŭ tolki Kitaj.
Ahułam, piatuju častku sakretnych technałohij dla svajho vajenna-pramysłovaha kompleksu Rasija atrymlivaje praź Indyju.
Apošnija miesiacy ŭ Indyi byli ź vizitami čynoŭniki Jeŭrapiejskaha Sajuza i ZŠA z-za jaje roli jak tranzitnaj krainy dla padsankcyjnych tavaraŭ, jakija nakiroŭvajucca ŭ Rasiju.