Na pažary pad Šarkaŭščynaj zahinuli try čałavieki
Nočču z 12 na 13 kastryčnika zdaryŭsia pažar u ahraharadku Hiermanavičy Šarkaŭščynskaha rajona. Draŭlany dom hareŭ adkrytym połymiem. U toj momant unutry znachodzilisia maci haspadyni doma z sužycielem i 4-hadovy syn haspadyni.
13.10.2024 / 13:30
Skryn videa MNS
Astatnija žychary doma (haspadynia i try dački) u hetuju złaščasnuju noč byli ŭ haściach, paviedamlaje MNS.
U vyniku pažaru ŭ domie zhareŭ dach, stolevaje pierakryćcie i majomaść. Z maci zahinułaha chłopčyka ciapier pracuje psichołah MNS. Pryčyna pažaru i abstaviny trahiedyi vyśviatlajucca.
MNS zaŭvažaje, što čaściej za ŭsio pažary ŭ damach adbyvajucca z-za nieaściarožnaha abychodžańnia z ahniom i nievykanańnia praviłaŭ pažarnaj biaśpieki.