Hiendyrektar Google raskazaŭ, što kampanija šukaje ŭ kandydatach
I patłumačyŭ, čamu Google tracicca na biaspłatnuju ježu dla supracoŭnikaŭ.
13.10.2024 / 14:55
Ofis Google u ZŠA. Fota: commons.wikimedia.org
Kiraŭnik kampanii Google Sundar Pičai zajaviŭ, što jana šukaje nie prosta «supierzorkavych» inžynieraŭ — achvotnyja pracavać tut na inžyniernych pazicyjach taksama pavinny imknucca vučycca, raści i adaptavacca da novych situacyj. Pra heta jon kazaŭ u niadaŭnim intervju amierykanskamu pradprymalniku Devidu Rubienštejnu, pryvodzić jaho słovy Devby.io.
Ale nie tolki ŭ pieranosnym.
Na pytańnie ab biaspłatnaj ježy dla supracoŭnikaŭ hiendyrektar Google adkazaŭ, što hetaja praktyka stała standartam u padobnych kampanijach. Jon dadaŭ, što ŭ pačatku svajoj pracy ŭ Google nie raz mieŭ znosiny ź ludźmi ŭ karparatyŭnym kafe i zapalvaŭsia jakoj-niebudź idejaj.
«Heta abudžaje tvorčaść. Heta zhurtoŭvaje», — skazaŭ Pičai, dadaŭšy, što karyść takoha bonusa pieraŭzychodzić vydatki na jaho.
Pa stanie na kaniec červienia štat pošukavaha hihanta naličvaŭ bolš za 179 tysiač čałaviek. Z nahody pavieličeńnia hetaj ličby hiendyrektar skazaŭ, što patencyjnyja supracoŭniki prymajuć prapanovu ad Google u 90% vypadkaŭ.
Eks-rekrucior Google Nołan Čorč kaža, što, kab atrymać pracu ŭ takoj prestyžnaj kampanii, kandydatam treba znajści sposab vyłučycca na fonie astatnich. Taksama treba prychodzić na sumoŭje padrychtavanym, to-bok pasiadzieć na sajcie patencyjnaha pracadaŭcy i aznajomicca ź jaho kaštoŭnaściami i misijaj. Asabliva spryjalnaje ŭražańnie robić, kali suiskalniki zhadvajuć, što słuchali vystupy faundaraŭ (zasnavalnikaŭ kampanij) i pryvodziać prykłady pačutaha. A prykłady ŭłasnych paśpiachovych prajektaŭ i karjernych dasiahnieńniaŭ dapamohuć prademanstravać unutrany entuzijazm, matyvacyju i asabistyja pamknieńni.
Dźvie Nobieleŭskija premii pakazvajuć, jakaja rola Google u śfiery štučnaha intelektu
Google zapłaciła $2,7 miljarda za hienija štučnaha intelektu. Čym admietny hety čałaviek?
Małady dyzajnier z Babrujska razasłaŭ 657 reziume — i ničoha
Google adkryŭ skryniu Pandory. Revalucyjny instrumient stvaraje fejkavuju realnaść u adzin klik