Zachoŭvańnie bulby pa-za kvateraj pahražaje žycharam vialikim štrafam
U Minskaj haradskoj žyllovaj haspadarcy rastłumačyli, čamu nielha raźmiaščać miaški z harodninaj u kalidorach šmatpaviarchovikaŭ.
13.10.2024 / 18:12
Kirmaš u Mahilovie. Fota: magilev.by
Uvosień mnohija biełarusy zakupajucca harodninaj na sielskahaspadarčych kirmašach, ale ŭ samich kvaterach nie zaŭsiody jość miesca dla jaje zachoŭvańnia.
Ale i zahruvaščvać kalidory, leśvičnyja praloty i placoŭki, prachody, zapasnyja vychady i inšyja dapamožnyja pamiaškańni ŭ žyłym domie zabaroniena.
Takaja norma praduhledžana punktam 2 artykuła 26 Žyllovaha kodeksa Biełarusi, a taksama padpunktam 16.6 Praviłaŭ karystańnia žyłymi pamiaškańniami, utrymańnia žyłych i dapamožnych pamiaškańniaŭ, zaćvierdžanych pastanovaj Saŭmina № 399 ad 21 maja 2013 hoda.
Jak pieradaje hazieta «Arhumienty i fakty ŭ Biełarusi» adkaz ŽKH Minska, za parušeńnie hetych pałažeńniaŭ pahražaje štraf da 20 bazavych vieličyniaŭ (da 800 rubloŭ siońnia).
Ułasna kažučy, pastaŭlenyja ŭ tambury miaški z bulbaj možna paličyć jakraz zahruvaščvańniem. Darečy, jany mohuć pieraškodzić i pry evakuacyi ŭ vypadku pažaru.