Sabalenka nabliziłasia da pieršaj rakietki na adlehłaść vyciahnutaj ruki
Abnaviŭsia rejtynh Suśvietnaj žanočaj asacyjacyi (WTA).
14.10.2024 / 07:03
Fota: Jimmie48/WTA
Aryna Sabalenka paśla pieramohi na turniry va Uchani nabrała 1000 rejtynhavych bałaŭ i zaraz maje ahułam 9716 bałaŭ. U pieršaj rakietki śvietu Ihi Śviontak — 9 785 bałaŭ. Polka prapuskała turniry ŭ Kitai.
U amierykanak Kory Haŭf — 5973, u Džesiki Piehuły — 5785 bałaŭ.
Takim čynam biełaruska adstaje ad Śviontak na 69 bałaŭ i moža stać pieršaj rakietkaj śvietu paśla Vynikovaha turniru ŭ Er-Ryjadzie, jaki projdzie ŭ pačatku listapada.
Hod tamu Sabalenka była vosiem tydniaŭ pieršaj rakietkaj śvietu paśla US Open, ale straciła heta zvańnie akurat paśla minułahodniaha Vynikovaha turniru, prajhraŭšy Śviontak.
A ŭ čempijonskaj honcy hetaha hoda Aryna — pieršaja, u jaje 9091 bał, u Śviontak — 8285.