Na rasijskim vajskovym aeradromie «Arenburh-2» źniščany Tu-134 — HUR
Takija borty vykarystoŭvajucca, u pryvatnaści, dla pieravozki kirujučaha składu minabarony rf.
14.10.2024 / 09:14
Na aeradromie «Arenburh-2» u RF źniščany vajenna-transpartny samalot Tu-134. Pra heta paviedamlaje Hałoŭnaje ŭpraŭleńnie raźviedki Minabarony Ukrainy.
«Zhareła varožaja tuška. U noč z 12 na 13 kastryčnika 2024 hoda ŭ Rasii zhareŭ samalot Tu-134 117-ha vajenna-transpartnaha avijacyjnaha pałka Uzbrojenych sił dziaržavy-ahresara. Spustašalny pažar uspychnuŭ na rasiejski vajenny aeradrom «Arenburh-2», dzie bazavaŭsia Tu-134», — havorycca ŭ paviedamleńni.
Krynicy ŭ raźviedcy adznačajuć, što takija savieckija samaloty vykarystoŭvajucca, u pryvatnaści, dla pieravozki kirujučaha składu Minabarony RF.