Польшча створыць мінныя палі на сваёй усходняй мяжы
14.10.2024 / 12:16
Ілюстрацыйнае фота з польска-беларускай мяжы: Michal Dyjuk, File
Мінныя палі будуць уваходзіць у комплекс інжынерных збудаванняў «Усходняга шчыта», які польскія вайскоўцы ствараюць на ўсходняй мяжы краіны, паведамляе Польскае тэлебачанне.
«А 13:00 (14:00 па Мінску) на палігоне ў Ожышы пачнуцца вучэнні, сюды прыбудзе прэм'ер-міністр Дональд Туск. Вучэнні звязаныя з тэставаннем элементаў «Усходняга шчыта», — гаворыцца ў паведамленні.
Удакладняецца, што элементы, якія будуць тэставацца сёння, — гэта бетонныя вожыкі, супрацьтанкавыя равы і мінныя палі. Пазней менавіта іх плануюць выкарыстоўваць ужо для аснашчэння «Усходняга шчыта».