U Rasii paśla błakavańnia sajt discord.ru staŭ pieranakiroŭvać na rekłamu vajennaj słužby pa kantrakcie
Hety damien nikoli nie naležaŭ miesiendžaru, adnak pieranakiroŭvaŭ na sajt Discord.
14.10.2024 / 15:45
U Rasii paśla błakavańnia papularnaha miesiendžara Discord adbylisia mietamarfozy z damiennym imiem discord.ru.
Rasijskija ŚMI zaŭvažyli, što ciapier hetaja spasyłka pieranakiroŭvaje karystalnikaŭ na sajt z rekłamaj vajskovaj słužby pavodle kantraktu ŭ rasiejskim vojsku.
Damien discord.ru nikoli nie naležaŭ amierykanskamu mesendžaru, adnak pieranakiroŭvaŭ Na sajt Discord. Niezadoŭha da błakavańnia pa spasyłcy staŭ adkryvacca sajt kankurenta mieśsiendžiera Guilded.
Discord, jaki papularny siarod hiejmieraŭ i strymieraŭ, byŭ zabłakavany ŭ Rasii 8 kastryčnika. Ułady paličyli, što miesiendžar vykarystoŭvaŭsia ŭ «terarystyčnych i ekstremisckich metach».
Błakavańnie raskrytykavali rasijskija Z-vajenkary: ź ich słoŭ, Discord aktyŭna vykarystoŭvali rasijskija vajskoŭcy. U zakrytych pakojach u miesiendžary tranślavali videa z raźviedvalnych i ŭdarnych bieśpiłotnikaŭ, jakija dapamahali zabivać ukraincaŭ.