Minimum 26 byłym palitviaźniam u kastryčniku płanujuć zamianić «chatniuju chimiju» na kałoniju
U kastryčniku ŭ Biełarusi adbylisia ci jašče adbuducca nie mienš za 25 sudoŭ pa zamienie byłym palitviaźniam abmiežavańnia voli biez nakiravańnia ŭ PUAT («chatniaj chimii») na pazbaŭleńnie voli. Viadoma, što niekatoryja ź ich paśla vyzvaleńnia ź SIZA pakinuli krainu, tamu sudy faktyčna prachodziać zavočna, piša «Viasna».
14.10.2024 / 16:19
Volha Rytus i Valeryja Čarnamorcava
Naprykład, siońnia, 14 kastryčnika, u Minsku prachodziać adrazu 8 sudoŭ pa zamienie «chatniaj chimii» na kałoniju. Rašeńnie prymajuć u tym liku pa spravie byłoj palitźniavolenaj Volhi Rytus.
Taksama ŭ sudzie Savieckaha rajona Minska 11 kastryčnika adbyŭsia sud pa zamienie pakarańnia dla daśledčycy biełaruskich viaźniaŭ HUŁAHa Valeryi Čarnamorcavaj.
Tych byłych palitviaźniaŭ, jakija zastajucca ŭ Biełarusi, paśla suda źmiaščajuć pad vartu i pieravodziać u kałonii.
Biznesoviec z top-200 raskazaŭ, za što siadzieŭ i čamu nie pahadziŭsia na pamiłavańnie
«Ja nie moh navat zajści ŭ kramu». Były paliźviazień raskazaŭ, čym nievynosnaja «chatniaja chimija»
Volzie Harbunovaj zavočna mianiajuć abmiežavańnie voli na kałoniju