Što takoje siezon «choa-choa-choa»?
Trend zapuścili fanaty viadomaj sahi pra vampiraŭ «Źmiarkańnie».
14.10.2024 / 18:03
Na prastorach TikTok jašče ŭ minułym hodzie stali źjaŭlacca roliki pad saŭndtrek ź pieršaj častki sahi «Źmiarkańnie» — pieśniu Blue Foundation «Eyes On Fire». Fanaty filma ličać, što pieśnia idealna pieradaje adčuvańni vosieńskaha nadvorja.
U svaich rolikach aŭtary demanstrujuć zmročnyja vosieńskija piejzažy, akcentujučy ŭvahu na chałodnym nadvorji, pachmurnym niebie, tumannych i daždžlivych dniach, haradskich miełanchaličnych scenach.
Takim čynam jany imknucca pieranieści nastroj filma ŭ realnaść. Refrenam hučać słovy «whoa whoa whoa» ź pieśni, jakija i stali sinonimam vosieni i miełanchaličnaha nastroju.
U hetym hodzie z prychodam vosieni «choa-choa-choa» stała sapraŭdnym trendam. Instagram i TikTok napoŭnieny zmročnymi fota i videa.
Fota: uwc_ru / Instagram
Nie abychodzicca i biez chatnich žyviołaŭ, jakich pieraapranajuć u vampiraŭ.
Inšyja prosta demanstrujuć, jak kutajucca ŭ ciopłyja śvitary, pjuć haračuju kavu ci harbatu i rychtujucca da prahladu filma va ŭtulnaj chatniaj abstanoŭcy.
Kali dla fanataŭ «Źmiarkańnia» ciapierašniaje nadvorje — nahoda pierahledzieć sahu, to dla astatnich hety trend — mahčymaść inakš zirnuć na zmročnuju paru hoda i adčuć jaje charastvo.
Trend padchapili bujnyja kampanii. Tak, IKEA vypuściła svaju rekłamu pad trek ź filma.
Skarystacca «choa-choa-choa» siezonam rašyŭ i brend termakubkaŭ, kab prarekłamavać siabie.
U kamientarach ludzi pišuć, što čakajuć nastupleńnia «siezona Hary Potera».
Najelisia publičnaści: ludzi mocna źmianili svaje pavodziny ŭ sacsietkach
Astapienia patłumačyŭ, čamu nastupnaja revalucyja budzie revalucyjaj tyktoku
Biełaruski nastaŭnik uzarvaŭ tyktok, syhraŭšy chit Despacito na bałałajcy