Adnamu z łukašenkaŭskich viertykalščykaŭ zrabili fejkavy telehram-akaŭnt
U aficyjnym telehram-kanale staršyni Lidskaha rajvykankama Alaksandra Viarsockaha źjaviłasia paviedamleńnie, što ašukancy vykarystoŭvajuć jaho imia ŭ asabistaj pierapiscy ź jahonymi padnačalenymi ŭ telehramie, kab zdabyć patrebnyja im źviestki.
14.10.2024 / 23:17
Alaksandr Viarsocki
Ašukancy, pa słovach viertykalščyka, sprabavali vieści pierapisku z adnym ź jahonych supracoŭnikaŭ.
«Budźcie pilnyja!», — papiaredžvaje čynoŭnik i adznačaje, što ašukancy stvarajuć fejkavyja akaŭnty kiraŭnikoŭ, jak praviła, u telehramie. Pry hetym jany mohuć być całkam realistyčnymi, z fota z aficyjnaha sajta abo sacsietak, ź imiem i proźviščam.
«Viedajem, što ašukancy navučylisia padrablać navat hałasy. Nie adkazvajcie! I tym bolš nie pieradavajcie źviestki! Dla hetaha jość aficyjnyja kanały suviazi», — papiaredziŭ Alaksandr Viarsocki.
Padobna na toje, što hety vypadak z toj ža samaj sieryi, što i stvareńnie fejkavych akaŭntaŭ kiraŭnikoŭ adukacyjnych ustanoŭ, pra što stała viadoma raniej.
Nastaŭnikam masava pišuć machlary — jak mahła adbycca ŭciečka danych
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami
Prabiełaruskija łukašysty jadnajucca suprać prarasijskich