Doktara z Bresta asudzili pa piaci palityčnych artykułach
37-hadovy Vadzim Naŭcienia pracavaŭ u roznych haradach.
15.10.2024 / 15:57
Vadzim Naŭcienia. Fota: «Ukantakcie»
Pa źviestkach prajekta Digital intelligence team, Vadzimu Naŭcieni 37 hadoŭ. Rodam jon z Bresta. Paśla škoły advučyŭsia na doktara ŭ Hrodna. Pracavaŭ u roznych paliklinikach i lakarniach — va Ušačach, Połacku, Breście i Pinsku. Pa śpiecyjalizacyi jon psichołah-narkołah.
Miarkujučy pa sacsietkach, u Vadzima jość žonka.
Pra prysud i sutnaść abvinavačańniaŭ stała viadoma z pres-reliza Viarchoŭnaha suda. Vadzima abvinavacili ŭ tym, što jon udzielničaŭ u pratestach (č. 1 art. 342 KK) i pakidaŭ kamientary ŭ telehramie, za što jamu dadali jašče čatyry artykuły — «dyskredytacyja Biełarusi» (art. 369-1 KK), «abraza Łukašenki» (č. 1 art. 368 KK), «abraza pradstaŭnika ŭłady» (art. 369 KK) i «raspalvańnie varožaści» (č. 1 art. 130 KK).
U vyniku 27 vieraśnia jamu prysudzili try hady kałonii i štraf u 8000 rubloŭ (200 bazavych). Taksama ŭ jaho kanfiskavali kvadrakoptar jak «reč, jakuju źniali z abarotu».
Sudziŭ Vadzima Dźmitryj Karasinski. Jon asudziŭ pa palityčnych kryminalnych spravach bolš za 10 čałaviek.
Dźmitryj Karasinski i staršynia Suda Stolinskaha rajona Žanna Stadnik, taksama zamiašanaja ŭ represijach. Fota: palese.by
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Ajcišnica z Hrodna viarnułasia dadomu z Polščy. Jaje zatrymali i buduć sudzić