Mužčyna, jaki ŭdaryŭ małatkom pa ścianie Kramla, akazaŭsia nie biełaruskim palitviaźniem, a jaho poŭnym ciozkaj
Dniami paviedamlałasia, što Ćviarski rajonny sud Maskvy aryštavaŭ na 15 sutak 32-hadovaha Alaksandra Frałova, jaki ŭdaryŭ małatkom pa ścianie Kramla i abliŭ farbaj fasad Histaryčnaha muzieja.
15.10.2024 / 10:49
Dahetul, 30 vieraśnia, mužčynu pryznačyli 10 sutak aryštu za toje, što jon pakinuŭ na viežy Kramla la nabiarežnaj Maskvy-raki «nadpis z abvinavačańniem supracoŭnikaŭ śpiecsłužbaŭ u zhvałtavańni dziaŭčynki», jaki «chutka admyli».
ŚMI paviedamlali, što toj zatrymany — biełarus, jakomu ŭ studzieni 2022 hoda sud Žłobinskaha rajona prysudziŭ paŭtara hoda «chimii» pa artykule ab hrubym parušeńni paradku (art. 342 KK). U listapadzie 2023 hoda jon vyjšaŭ na svabodu.
Ale vyśvietliłasia, što biełaruski Frałoŭ — tolki poŭny ciozka zatrymanaha ŭ Maskvie, a nie toj ža samy čałaviek.
Jak paviedamlaje adzin z telehram-kanałaŭ biełaruskich siłavikoŭ, Frałoŭ, jaki ŭdaryŭ pa ścianie Kramla, — hramadzianin Rasii i ŭradženiec Małdovy.