Стане яшчэ халадней. Але дзякуй, што пакуль без снегу
Прагноз надвор'я на самую сярэдзіну восені.
15.10.2024 / 11:27
У сераду, 16 кастрычніка, умовы надвор'я ў асноўным будзе вызначаць халодная няўстойлівая паветраная маса, якая паступае з Балтыйскага мора.
Пераважна па ўсходняй палове краіны пройдуць кароткачасовыя дажджы. Уначы і раніцай у асобных раёнах слабы туман. Вецер днём месцамі парывісты.
Ноччу +1..+7°С, месцамі чакаюцца замаразкі 0..-2°С; максімальная тэмпература паветра днём +7..+12°С.
17-18 кастрычніка надвор'е будзе фармаваць халодны антыцыклон, цэнтр якога перамесціцца з поўдня Скандынавіі на тэрыторыю Беларусі.
Без ападкаў.
Уначы на большай частцы тэрыторыі замаразкі 0..-4°С, месцамі мінімальная тэмпература паветра складзе +1..+4°С; днём +5..+12°С.