U Biełarusi znoŭ zaŭvažyli redkuju kačku z Uschodniaj Azii
Nietypovuju dla našaj krainy kačku sfatahrafavali na Biarezinie.
15.10.2024 / 14:55
Fota: Onliner.by
Žychar Babrujska sustreŭsia ź niezvyčajnaj kačkaj jarkaha koleru. Pryhožuju ptušku mužčyna zaŭvažyŭ na race Biarezinie. Akazałasia, što heta kačka-mandarynka, jakuju ŭ Biełarusi sustrakajuć vielmi redka, paviedamlaje Onliner.
«Jarki samiec prajaŭlaŭ cikavaść da miascovaj kački. Jany niekatory čas płavali razam, ale, mabyć, nie znajšli ahulnuju movu, i kačka adpłyła. Raniej takich kačak ja nie sustrakaŭ, choć naviedvaju Biarezinu časta», — raspavioŭ mužčyna.
Minułaj vosieńniu kačka-mandarynka žyła na Dubraviency ŭ Mahilovie. Uvohule, za apošnija piać hadoŭ hetuju ptušku ŭ Biełarusi sustrakali ŭsiaho šeść razoŭ.
Radzima mandarynak — Uschodniaja Azija. Akramia taho, častka piarestych kačak žyvie ŭ niekatorych krainach Zachodniaj Jeŭropy, dzie ich stali razvodzić jak dekaratyŭnych ptušak dziela pryhažości. Ź ciaham času mandarynki viarnulisia ŭ pryrodu i adaptavalisia da jeŭrapiejskich umoŭ.
Arnitołahi prapanujuć dźvie viersii taho, jak mandarynka mahła akazacca ŭ Biełarusi. Jana albo mahła ŭciačy ź niejkaha zaasada i apynucca ŭ dzikaj pryrodzie, albo prosta mihravała z Zachodniaj Jeŭropy.