Prakuror paprasiŭ dla Paliny Šarendy-Panasiuk jašče hod źniavoleńnia
Vyrak palitźniavolenaj Palinie Šarendzie-Panasiuk u Recyckim sudzie čakajecca a 17-j hadzinie. Pra heta paviedamiŭ Radyjo Svabodzie muž aktyvistki Andrej Šarenda.
15.10.2024 / 15:46
Z 14 kastryčnika ŭ sudzie Rečyckaha rajona suprać Palinu Šarendu-Panasiuk idzie treci raz sud pa 411 artykule Kryminalnaha kodeksa — za «złosnaje niepadparadkavańnie patrabavańniam administracyi papraŭčaj ustanovy».
Palitźniavolenaj pahražaje jašče 1 hod uviaźnieńnia na dadatak da tych amal užo čatyroch hadoŭ, jakija jana adbyła. Pavodle Andreja Šarendy, jahonaja žonka nie maje iluzijaŭ što da vyniku pracesu. Dva raniejšyja sudy z hetym ža artykułam dadali joj pa 1 hodzie źniavoleńnia.
Muž palitźniavolenaj pa-raniejšamu niašmat viedaje pra jaje zdaroŭje, za jakoje jość padstavy chvalavacca.
23 traŭnia 2024 hoda Palina Šarenda-Panasiuk miełasia vyjści na volu paśla adbyćcia terminu źniavoleńnia ŭ 2,5 hoda i dvuch dadatkovych terminaŭ pa 1 hodzie, dabaŭlenych sudom nibyta za «złosnaje niepadparadkavańnie zakonnym patrabavańniam administracyi».
Ale zamiest vyzvaleńnia aktyvistku źmiaścili ŭ Homielskaje SIZA na čas rasśledavania novaj kryminalnaj spravy pavodle 411 artykuła KK («Niepadparadkavańnie administracyi turmy»).
Biełaruskija pravaabaroncy pryznali Palinu Šarendu-Panasiuk palitźniavolenaj.
Na voli Palinu Šarendu-Panasiuk čakajuć muž Andrej i dvoje synoŭ — Słavamir i Stach.
U lipieni svajaki Paliny daviedalisia, što ŭ žančyny dyjahnastavali «chraničny pankreatyt siaredniaj ciažkaści». Niadaŭna muž palitźniavolenaj Andrej Šarenda napisaŭ pra rezkaje paharšeńnie stanu zdaroŭja Paliny.
U siaredzinie vieraśnia palitźniavolenuju pieraviali ź IČU Rečycy ŭ SIZA Homiela. Pa prybyćci jaje adrazu adpravili ŭ karcar na 10 dzion.