U Biełarusi buduć vypuskać ziefir sa smakam šampanskaha
Biełaruskija fabryki źbirajucca vypuścić da navahodnich śviataŭ šmat novych prysmakaŭ i advent-kalendary. Prytym užo anansavali ziefir sa smakam šampanskaha i z marcypanam, piša «Anłajnier».
15.10.2024 / 16:12
Fota ilustracyjnaje
U «Čyrvonaha charčavika» buduć navahodnija smaki ziefiru: kłubnicy-šampanskaje i łate-karamiel z sollu.
«Da nas nichto nie vykarystoŭvaŭ sol pry vytvorčaści ziefiru. Heta nie kankretna salony ziefir, a tradycyjnaja słodyč, u jakoj jość trochi soli, i jana adcianiaje sałodki smak łate i karamieli, nadaje vielmi cikavy pikantny smak», — raskazała na pres-kanfierencyi načalnica siektara stratehičnaha płanavańnia i raźvićcia «Čyrvonaha charčavika» Nadzieja Jaŭciechava.
U liniejcy žavalnaha ziefiru buduć novyja smaki mandaryna i marcypany, źjavicca chałva sa piakučym piercam.
«Kamunarka» i «Spartak» taksama rychtujucca da Novaha hoda. U ich buduć dziasiatki roznych śviatočnych naboraŭ — u vyhladzie čamadana, źmiai, u zvykłych kardonnych karobkach.
A taksama abiedźvie fabryki vypuściać advient-kalendary. Jany pačali masava źjaŭlacca ŭ nas letaś, padobna, sioleta jany buduć jašče bolš papularnymi.
«Kamunarka» impartazamiaścić šakaład dla hłazuravanych syrkoŭ i maroziva
Śpiavak Saša Nema zapisaŭ rekłamu biełaruskich cukierak i naśmiašyŭ sacsietki