U Biełarusi stvorać ahulnuju bazu avijapasažyraŭ
Na Nacyjanalnym pravavym internet-partale apublikavana rašeńnie stvaryć adzinuju aŭtamatyzavanuju sistemu piersanalnych danych pasažyraŭ samalotaŭ. U jaje buduć uklučać infarmacyju pra ŭsich, chto lotaje pavietranym transpartam, danyja «nieŭjaznych» hramadzian i niekatoryja inšyja źviestki.
15.10.2024 / 18:22
U dakumiencie adznačajecca, što avijakampanii, jakija zajmajucca mižnarodnymi pavietranymi pieravozkami, pavinny zabiaśpiečyć pieradaču ŭ hetuju bazu piersanalnych źviestak avijapasažyraŭ, jakija vylatajuć i prybyvajuć u krainu.
Avijakampanii musiać paviedamlać pra proźvišča, imia i imia pa baćku pasažyraŭ, poł, datu naradžeńnia, danyja ab hramadzianstvie abo paddanstvie, vid, termin dziejańnia, sieryju i numar dakumienta, na padstavie jakoha nabyty kvitok.
Akramia taho, u sistemie buduć danyja pra avijakampaniju, numar rejsa, datu i čas vyletu, kolkaść pasažyraŭ na borcie, nazvu aeraportaŭ vyletu i pryznačeńnia, kod braniravańnia i inšaja infarmacyja.
U svaju čarhu avijapieravozčyki, padklučanyja da sistemy, atrymajuć dostup da bazy danych pra pasažyraŭ, jakim zabaronieny ŭjezd u Respubliku Biełaruś.
Paviedamlajecca, što termin zachoŭvańnia piersanalnych danych pasažyraŭ u sistemie składzie dva hady.
«Biełavija» pradaje apošni kanadski samalot sa svajho avijaparku
Samalot «Biełavija» nie dalacieŭ da Hruzii z-za admovy ruchavika
«Biełavija» hadzinu trymała pasažyraŭ u samalocie biez kandycyjaniera — u sałonie było 40 hradusaŭ