Novy internat BNTU amal hatovy. Voś jak jon vyhladaje znutry
Novy internat BNTU raźličany na 1030 čałaviek. Jaho pabudavali ŭ Minsku na praśpiekcie Niezaležnaści.
16.10.2024 / 11:43
Novy internat BNTU. Fota tut i dalej: «Minskbud»
Studenty buduć žyć tam u błokach. U adnym błoku — pakoi na dva-try čałavieki, meblavanyja i ŭkamplektavanyja elektraplitami i chaładzilnikami kuchni, dušavaja i sanvuzieł.
Budzie taksama trenažornaja zała, zała dla fitnesu, miedpunkt, bufiet i pralnia.
Ciapier u internacie BNTU zaviaršajuć budaŭniča-mantažnyja raboty.
«Poŭnym chodam idzie naładka i pravierka abstalavańnia, zborka i rasstanoŭka mebli ŭ žyłych błokach», — paviedamlaje «Minskbud».
Zakančvajuć taksama dobraŭparadkavańnie terytoryi vakoł internata.
Sučasny internat dla studentaŭ pabudavaŭ «Budtrest № 4» (hienpadradny filijał — SU-13), zakazčyk — UKB Minharvykankama, prajekciroŭščyk — «Minskprajekt».