Minčuk zajšoŭ u niezačynieny restaran handlovaha centra, uziaŭ hrošy z kasy i dźvie plaški viski
Zała (u tym liku i kasy) nie byli abstalavanyja achoŭnaj sihnalizacyjaj.
16.10.2024 / 12:27
U staličnuju milicyju pastupiła paviedamleńnie ab kradziažy z restarana, jaki znachodzicca na vierchnim paviersie handlovaha centra, paviedamlaje staličnaja milicyja.
Supracoŭniki adździeła kryminalnaha vyšuku Kastryčnickaha RUUS stalicy prahledzieli kamiery videanazirańnia i vyśvietlili, što adbyłosia.
Vyśvietliłasia, što kala 6-j ranicy 40-hadovy minčanin, niejkim čynam abminuŭšy achovu, trapiŭ u restaran.
Ustanova nie zamykałasia na zamok, a zała (u tym liku i kasy) nie była abstalavana achoŭnaj sihnalizacyjaj. Mužčyna spakojna zajšoŭ u pamiaškańnie, adkryŭ boks z vyručkaj i zabraŭ častku hrošaj.
Akramia taho, jon prychapiŭ dźvie plaški niatannaha viski ahulnym koštam kala 600 rubloŭ. Paśla hetaha mužčyna pakinuŭ HC.
Zaviedziena kryminalnaja sprava.