У Ганцавіцкім раёне пад коламі цягніка загінула 76-гадовая раварыстка
16.10.2024 / 14:54
Трагедыя адбылася паблізу аграгарадка Малькавічы.
Раніцай 16 кастрычніка 76-гадовая вяскоўка на ровары паехала ў лес па ягады, паведамляе абласная міліцыя.
Па шляху жанчыне трэба было перасекчы чыгуначны пераезд, аднак гарэў чырвоны забараняльны сігнал.
Пенсіянерка прапусціла таварны цягнік і накіравалася праз чыгунку, не заўважыўшы, што па другім шляху рухаецца дызель-цягнік.
Машыніст ужыў экстраннае тармажэнне, але наезду пазбегнуць не ўдалося. Пенсіянерка загінула на месцы.