Minčuk pradaŭ aŭto, ale ź im raźličylisia niesapraŭdnymi kupiurami
Mužčyna źviarnuŭsia ŭ adzin z bankaŭ horada dla abmienu hrašovaj kupiury naminałam 100 dalaraŭ ZŠA. Sapraŭdnaść hrašovaha bileta vyklikała sumnievy ŭ kasira valutna-abmiennaha punkta, pra što jana paviedamiła ŭ milicyju.
16.10.2024 / 15:33
Mužčyna raspavioŭ milicyjantam, što niadaŭna pradaŭ aŭtamabil za 12 200 dalaraŭ ZŠA, raźlik byŭ u zamiežnaj valucie. Pra toje, što kupiura moža być padroblenaj, jon i nie zdahadvaŭsia. Jašče 121 banknotu mužčyna dobraachvotna addaŭ supracoŭnikam milicyi dla ŭstanaŭleńnia sapraŭdnaści.
Ekśpiert daśledavaŭ kupiury i pryjšoŭ da vysnovy, što ŭsie hrašovyja bilety vyrableny nie pradpryjemstvam.
Vyjavy piaredniaha i advarotnaha bakoŭ, uklučajučy sieryjnyja numary, byli imitavany i vykanany sposabami elektrafatahrafičnaha druku, a taksama płoskaha afsietnaha druku. Elemienty OVI ŭ vyhladzie naminału hrašovaha bileta «100» naniesienyja farbavalnym rečyvam zialonaha koleru dy inš., paviedamlaje Dziaržaŭny kamitet sudovych ekśpiertyz.