Iłan Mask achviaravaŭ 75 młn dalaraŭ na kampaniju Trampa
Amierykanski miljarder, zasnavalnik kampanij Tesla i SpaceX pieravioŭ na rachunak palityčnaj arhanizacyi America Pac, jakaja padtrymlivaje vybarčuju kampaniju kandydata ŭ prezidenty ZŠA ad respublikancaŭ Donalda Trampa, 75 miljonaŭ dalaraŭ, piša Deutsche Welle. Heta vynikaje sa spravazdačy Fiederalnaj vybarčaj kamisii ZŠA.
16.10.2024 / 19:33
Iłan Mask na pieradvybarčym mitynhu Donalda Trampa. Fota: AP Photo/Alex Brandon
Bolšaja častka hetych srodkaŭ, 72 młn dalaraŭ, byli pieraviedzienyja ŭ pieryjad ź lipienia da vieraśnia 2024 hoda, pryčym u hetyja try miesiacy Mask byŭ adzinym donaram America PAC.
Vydańnie The Washington Post nazyvaje hetuju arhanizacyju «kamitetam palityčnych dziejańniaŭ, sfarmavanym miljarderam Iłanam Maskam dla viadzieńnia kampanii ŭ padtrymku Donalda Trampa».
Ahienctva Reuters udakładniaje, što America PAC kancentruje namahańni na mabilizacyi vybarščykaŭ u tych štatach, jakija vahajucca.
Taksama ščodra padtrymlivajuć vybarčuju kampaniju Trampa i niekatoryja inšyja amierykanskija biznesmieny. Tak, biznes-łedzi Miryjam Adelsan, jakaja stała spadkajemicaj hulniavoha biznesu, ukłała ŭ padtrymku Trampa 95 miljonaŭ dalaraŭ. Akramia taho, kala 49 miljonaŭ dalaraŭ pieradaŭ biznesmien Ryčard Elis Uiłajn.
U Kalifornii pierad mitynham Trampa zatrymali mužčynu z drabavikom i pistaletam
Lehienda amierykanskaha sportu parvaŭ na kavałki fatahrafiju Donalda Trampa
Bukmiekierski rynak pakazaŭ rezki rost padtrymki Donalda Trampa