Dzie ŭ Biełarusi čaściej ženiacca, a dzie čaściej razvodziacca
U 2023 hodzie ŭ Biełarusi było 56 tysiač šlubaŭ i amal 34 tysiačy razvodaŭ. Za piać hadoŭ kolkaść viasiellaŭ skaraciłasia na 6,7 tysiačy, a razvodaŭ — na 508, paviedamlaje Biełstat.
17.10.2024 / 09:18
Dla paraŭnańnia: u 2019 hodzie šlubaŭ było 62,7 tys., a razvodaŭ — amal 34,5 tys.
U 2023 hodzie na 1 tysiaču šlubaŭ prypadała 606 razvodaŭ, a ŭ 2019-m — 549.
U pieraliku na 1 tys. biełarusaŭ čaściej za ŭsio ŭ šlub ustupali letaś u Minsku. Tut 6,9 viasiella na 1 tys.
Radziej za ŭsio — u Hrodzienskaj vobłaści. Tam — 5,5 na 1 tysiaču nasielnictva.
A voś čaściej za ŭsio letaś razvodzilisia ŭ Mahiloŭskaj vobłaści. Tut čatyry razvody na 1 tys. Radziej za ŭsio razvodziacca ŭ Bresckaj vobłaści — 3,2 na 1 tys. biełarusaŭ.
U Minsku zafiksavali 3,8 razvodu na 1 tysiaču čałaviek.
U siarednim u Biełarusi žančyny ŭstupajuć u pieršy šlub u 26,5 hoda, a mužčyny — u 28,8.