Darja Domračava zaniała 6-je miesca ŭ mas-starcie na 12,5 km
Alimpijskaje zołata vyjhrała Mahdalena Nojnier.
22.02.2010 / 00:56
Darja Domračava finišavała šostaj u mas-starcie na 12,5 km, što prajšoŭ 21 lutaha ŭ kanadskim Uistlery.
Biełaruskaja bijatłanistka na čatyroch ahniavych rubiažach adnojčy spudłavała (na trecim ahniavym rubiažy – stojka)
i sastupiła alimpijskaj čempijoncy Mahdalenie Nojnier (Hiermanija) 33,6 siekundy.
Nojnier, darečy, dvojčy pramachnułasia na ahniavych rubiažach.
Nahadajem, što Domračava vyjhrała bronzu ŭ indyvidualnaj honcy. A 6-je miesca heta jaje druhi asabisty vynik, pakazany na Alimpijadzie.
Srebra ŭ niadzielu zavajavała rasijanka Volha Zajcava (+5,5), bronza – u niemki Simony Chaŭsvald (+7,3).
Biełaruska Ludmiła Kalinčyk finišavała 17-j (+1:35,6, 1 promach), Nadzieja Skardzina – 22-ja (+2:18,6, 1 promach).
Usiaho na start vyjšli 30 bijatłanistak.
Nahadajem, što ŭ mas-starcie na 15 km Siarhiej Novikaŭ zaniaŭ 20-je miesca.
U aŭtorak, 23 lutaha, projdzie estafieta ŭ bijatłanistak (pačatak tranślacyi na kanale «Ład» u 21:25 pavodle minskaha času),
u piatnicu, 26 lutaha, estafieta ŭ mužčyn (21:25 – kanał «Ład»)