U Polščy pryziamliŭsia pavietrany šar ź Biełarusi z nadpisami na ruskaj: na miesca adpraŭlali śpiecnaz
Akazałasia, heta byŭ mieteazond z kantrabandnymi cyharetami.
17.10.2024 / 13:50
Fota ilustracyjnaje
Pavietrany šar z nadpisami na kirylicy pryziamliŭsia ŭ Sakalanach u Padlaskim vajavodstvie. Abjekt znajšli ŭnačy za niekalki kiłamietraŭ ad miažy ź Biełaruśsiu. Na miesca nakiravali palicejskich i antyterarystyčny śpiecnaz, paviedamlaje Radio ZET.
Praź niekalki hadzin vyśvietliłasia, da pavietranaha šara byŭ prymacavany pakiet z cyharetami biez polskich akcyznych marak. Palicyja vyśviatlaje padrabiaznaści sproby kantrabandy. Usiaho ŭ pakiecie było 1200 pačkaŭ cyharet.
Heta nie pieršy taki incydent u Padlaskim vajavodstvie: šar z cyharetami prylacieŭ u Polšču ź Biełarusi niekalki tydniaŭ tamu. Pry hetym kožny taki vypadak polskija śpiecsłužby praviarajuć u tym liku na mahčymy špijanaž.