U Minsku znosiać adzin z budynkaŭ 6-j balnicy
Abiacajuć spravicca ŭsiaho za piać dzion.
17.10.2024 / 14:08
U Minsku prystupili da znosu 5-ha korpusa 6-j balnicy, piša Blizko.by.
«Jašče trochi i ad piataha korpusa «šaściorki» ničoha nie zastaniecca. Vidok, viadoma, jašče toj», — havorycca ŭ paviedamleńni. Adznačajecca, što ciapier adbyvajecca znos staroha, adžyłaha svajo, błoka 6-j balnicy. Pa płanach, budaŭniki z dapamohaj mahutnaj techniki spraviacca ŭsiaho za piać dzion.
Kožny praces maje svaju ŭnikalnuju praceduru. Tak, pry demantažy hetaha budynka ekskavatar papiarednie stvaraje pracoŭnuju placoŭku załazić na jaje viaršyniu i ŭžo adtul paetapna raźbiraje budynak, raźbirajučy pry hetym adchody.
Taki padychod zabiaśpiečvaje apieratyŭnaść, spryt i minimalnaje parušeńnie pracy miedycynskaj ustanovy i kamfortu pacyjentaŭ.
Na hetym miescy budaŭniki SU-19 tresta № 1 pabudujuć sučasny lačebna-dyjahnastyčny korpus. Jon budzie adnosicca da kliničnaha centru traŭmatałohii i artapiedyi.