U aeraporcie «Minsk» u rasijanina ŭ bahažy znajšli 120 kh žyvych łobstaraŭ
Dakumientaŭ na tavar u mužčyny nie było.
17.10.2024 / 14:24
Fota: DMK
Mytniki ŭ minskim aeraporcie znajšli ŭ hramadzianina Rasii niezvyčajny hruz — 120 kh žyvych łobsteraŭ. Mužčyna prylacieŭ u Minsk z Dubaja i pajšoŭ praz «zialony kalidor». Adnak mytniki spynili jaho dla dadatkovaj pravierki.
Pry praviercy bahažu byli vyjaŭlenyja 5 skrynak k z kamiercyjnaj partyjaj łobstaraŭ na 29 tysiač rubloŭ, jakija rasijanin mieŭ namier realizavać na terytoryi JEAES.
Dla asabistaha karystańnia dazvalajecca ŭvozić da 5 kh takoha rodu tavaraŭ i tolki pry najaŭnaści vieterynarnaha siertyfikata. U mužčyny dakumientaŭ nie było.
Na rasijanina skłali administracyjny pratakoł, jamu pryjdziecca zapłacić štraf u pamiery da 30% ad koštu tavaru.
Łobstary, jakija nie majuć paćviardžeńnia biaśpieki ŭ dačynieńni da terytoryj JEAES, pieradadzienyja vieterynarnaj słužbie.