У Расіі Марына Васілеўская стала дзіцячай лялькай
Яе збіраюцца падарыць самой касманаўтцы і Лукашэнку.
17.10.2024 / 14:52
Фота: Мінпрамгандль Расіі
Кіраўская фабрыка цацак «Вясна» выпусціла ляльку ў гонар беларускай касманаўткі Марыны Васілеўскай.
Ляльку так і назвалі — «Марына». Яна ў белым скафандры з дзяржфлагам на плячы. Мінпрамгандль Расіі прывёў гэты экзэмпляр як прыклад цацкі з нацыянальным каларытам.
Ляльку прадставіла дэпутат Дзярждумы Таццяна Буцкая. Скрыншот відэа
Серыя гэтых лялек лімітаваная, колькі іх паступіць у продаж, невядома.
Аднак па экзэмпляры збіраюцца падарыць самой Васілеўскай і Лукашэнку.