U Biełarusi aryštavali nieruchomaść žurnalistki Taćciany Karaviankovaj
Minskaje haradskoje ahienctva pa dziaržrehistracyi i ziamielnym kadastry 4 kastryčnika aryštavała nieruchomuju majomaść žurnalistki Taćciany Karaviankovaj, piša BAŽ.
18.10.2024 / 15:17
Jak napisała Taćciana ŭ Facebook, aryšt nakładzieny na padstavie pastanovy hałoŭnaha śledčaha ŭpraŭleńnia centralnaha aparata Śledčaha kamiteta ad 26 vieraśnia 2024 hoda. Pryčyna takoha pieraśledu ŭ dakumiencie, jaki atrymała žurnalistka z kadastravaha ahienctva, nie paviedamlajecca.
Taćciana Karaviankova piša, što źviarnułasia ŭ Śledčy kamitet za tłumačeńniami, ale adkazu na svoj list pakul nie atrymała.
Aryštavanaja majomaść — heta 1/3 častka doma, jakuju žurnalistka maje ŭ sumiesnaj ułasnaści sa svajakami.
Taćciana Karaviankova — viadomaja biełaruskaja žurnalistka. Praciahły čas pracavała jak palityčny i mižnarodny ahladalnik u niezaležnym infarmahienctvie BiełaPAN. Łaŭreat šerahu žurnalisckich premij. U 2021 hodzie vymušana źjechała ź Biełarusi i na siońnia žyvie i pracuje za miažoj.