U Hiermanii zafiksavany ziemlatrus mahnitudaj 3,1
18 kastryčnika ŭ 12:50 pa miascovym časie ŭ staličnaj ziamli Brandenburh adbyŭsia ziemlatrus.
19.10.2024 / 13:35
Jon byŭ zafiksavany pamiž nasielenymi punktami Hiercbierh i Kirchajn. Pra heta paviedamiŭ Fiederalny instytut hieanavuk i pryrodnych resursaŭ (BGR) u Hanoviery, piša Bild.
Mahnituda ziemletrusu skłała 3,1 pa škale Rychtera.
Fizik Kłaŭs Štammler ź Fiederalnaha instytuta hieanavuk i pryrodnych resursaŭ (BGR) nazvaŭ hety ziemlatrus niezvyčajnym. «Heta adbyłosia ŭ rajonie, dzie raniej nie nazirałasia siejśmičnaja aktyŭnaść», — skazaŭ jon.
Nie pastupała paviedamleńniaŭ ab nastupstvach hetaha ziemlatrusu. Vydańnie Niederlausitz Aktuell paviedamlaje, što žychary rajona Elba-Elster zmahli jaho adčuć.