Biełaruskija vajskoŭcy palacieli treniravacca ŭ Rasiju
Načalnik Hałoŭnaha ŭpraŭleńnia bajavoj padrychtoŭki Uzbrojenych Sił Biełarusi hienierał-major Uładzimir Bieły adznačyŭ, što praciahvajecca płanavaja padrychtoŭka biełaruskich vajskoŭcaŭ na bazie rasijskich vučebna-bajavych centraŭ.
19.10.2024 / 17:00
Fota: Ministerstva abarony
Akramia taho, jak paviedamili ŭ pres-słužbie Minabarony, dniami zaviaršyŭ padrychtoŭku adzin z tankavych bataljonaŭ.
Pavodle słoŭ Uładzimira Biełaha, biełaruskija vajskoŭcy vyvučyli pieradavyja technałohii, jakija jość u rasijskaj armii, i ŭbačyli, jak ukaraniajecca vopyt vajny va Ukrainie na praktycy padrychtoŭki vojskaŭ.
Ciapier ža, dadaŭ hienierał, pačynajecca nastupny etap. Vajskoŭcy adpraŭlajucca ŭ Rasiju, kab pieraniać mietodyki padrychtoŭki vojskaŭ dla dalejšaha ŭkaranieńnia ich u praktyku ŭ biełaruskich vajskovych častkach. Najlepšyja ź biełaruskich vajskoŭcaŭ paśla viartańnia z rasijskich centraŭ, maŭlaŭ, stanuć štatnymi instruktarami ŭ ajčynnych złučeńniach i vajskovych čaściach.
U Minsku pačali rassyłać pryzyŭnikam esemeski
U Minabarony raskazali, jak atrymać dazvoł na palot bieśpiłotnika
Školnikaŭ u Mazyry navučajuć na apierataraŭ bieśpiłotnikaŭ dla armii